ஒவ்வொரு முறையும் ஊர் செல்லும் சமயங்களில் சக்தியை புதுப்பித்துக் கொள்வதுபோல் பிள்ளையார்பட்டியும் குன்றக்குடியும் போவது வழக்கம்.. இந்தமுறை நெருங்கிய உறவின் திருமணம் என்பதால் சம்பந்தப்பட்ட சம்பந்தப்புரமும் செல்லவேண்டி சிறுகூடல் பட்டி விஜயம்.. சென்றபின்தான் தெரிந்தது .. பக்கத்திலேயே கவியரசர் இல்லம் இருப்பது... பார்வை நேரம் அல்ல என்பதால் உள் சென்று பார்க்க இயலவில்லை.. ஆனால் ஒரு கவிதை கருக்கொண்ட கனவு போல அந்த இல்லம் என்னை மயக்கியது... எப்பேர்ப்பட்ட வீச்சு அவருடையது .. ஆசுகவி..அறம் பாடினால் பலிக்கும். மகாகலைஞனின் இல்லம் தொட்ட காற்று என் உள்ளம் புகுந்து உருவேற்றியது.. இன்னும் இன்னும் சிறக்க எழுது ..முன்னேறு என்று.
சிறுகூடல் பட்டியில் இன்னுமொரு சிறப்பு அங்கு இருந்த லண்டன் செட்டியார் வீட்டினுள் இருந்த கர்னகை வாழ்வியல் ஓவியங்கள்..
கடல் கொண்டதால் காவிரிப்பூம்பட்டினத்தில் (பூம்புகார்) இருந்து தெற்கே குடிபெயர்ந்த நகரத்தார் நீர் புகுந்து அழிக்க எட்டா உயரத்தில் .,சுமார் 6 அடி (பத்து பன்னிரெண்டு படிகள்) உயரத்தில் முழு வீட்டுக்கும் தளம் உயர்த்திக் கட்டிய எழில் மிகு வீடுகளை காணலாம்.. பர்மா மரத்தூண்கள்., தேக்கு மரச் சிற்பங்கள்., மரத்தளங்கள் .. கொண்ட இரண்டு கட்டு ., மூன்று கட்டு வீடுகள்..
இந்த வீடு இரட்டை வளவு கொண்ட.. இரட்டை முகப்பு ., பட்டாசாலை., ஆல்வீடு., பத்தி., வளவு., கீழ்வாசல் ., ரெண்டாம் கட்டு., போஜன் ஹால்., சமையற்கூடங்கள் மாடிகள்., மாடியறைகள்., சாமான் போடும் வீடுகள்., உக்கிராண அறைகள்., பூஜையறையகள் என பிரம்மாண்டமானது..
வீட்டுக்குள்ளேயே டூர் போய் வந்து ஜூஸ் ., சாக்லேட்டுகள்., பழங்கள் எல்லாம் உண்டு சிரம பரிகாரம் செய்து கொண்டு இந்த படங்கள் எல்லாம் எடுத்து வந்தேன் மக்காஸ் .. உங்களிடம் பகிர்ந்து கொள்ள..
வீட்டுக்குள்ளேயே டூர் போய் வந்து ஜூஸ் ., சாக்லேட்டுகள்., பழங்கள் எல்லாம் உண்டு சிரம பரிகாரம் செய்து கொண்டு இந்த படங்கள் எல்லாம் எடுத்து வந்தேன் மக்காஸ் .. உங்களிடம் பகிர்ந்து கொள்ள..
கோவலன் .., கோவிலன் எனவும் ., கண்ணகி கர்னகை எனவும் இந்த ஓவியங்களில் குறிப்பிடப் படுகிறார்... இன்னும் நிறைய ஓவியங்கள் இருந்தன.. நமக்கு சரித்திரம் தெரியாததால் எடுக்கவில்லை..
இதில் கோவிலன் கர்னகை திருமணம் முதல் கர்னகை பாண்டியனிடம் நீதி கேட்பது வரை இருக்கிறது.. பாண்டியமன்னனின் முகத்தில் இருக்கும் அலட்சியத்தன்மையும் ., கர்னகையின் சீற்றமும் என்னை வியக்க வைத்தது..
இவங்க என் முகப்புத்தகத் தோழி ஜெயா நல்லப்பன்.. கம்பீரமானவங்க.. எழுத்திலும் செயலிலும்..